Nello Zoffoli

Commerciante del luogo, ha dedicato molto del suo tempo per allietare dei giorni di festa nel paese.

in oltre si e speso nel comporre poesie, in dialetto romagnolo, che raccontano storie vissute nel paese.

La stòria dla Tòra ad San Zòrz

L’éra granda, l’éra èlta, cla faséva paura. La tòra ad San Zòrz in tla pianura!

Una vòlta a San Zòrz u’ ì éra una vècia tòra,

Cun un gran curtil, tot intorna ad fora.

I burdel ì zughiva da la sera a la matèna.

E la zenta i la ciameva malatestiena.

L’éra granda, l’éra èlta, cla faséva paura. La tòra ad San Zòrz in tla pianura!

Ad dé, in tlà veta, l’éra tot un strìd.

Sota i cop, i pasarot ì faseva i nid.

A la sera, l’era tot un frol ad rundanun.

Che cun la zveta i faséva un gran fum!

L’éra granda, l’éra èlta, cla faséva paura. La tòra ad San Zòrz in tla pianura!

A la dménga, da Ciséna, l’ariveva Bruchìn

Che cun al su zirundeli e faséva e’ birichìn.

Daventi a la tòra uss miteva in te dop mez dé.

E a tot la zenta e cuntéva i fàt de dé.

L’éra granda, l’éra èlta, cla faséva paura. La tòra ad San Zòrz in tla pianura!

In tla tòra i burdel ì andava a scola

e la storia i la cunteva cme una fola.

Ma un brot dé e s’ciupét la guera.

E par tot e finet la bona stèla!

L’éra granda, l’éra èlta, cla faséva paura. La tòra ad San Zòrz in tla pianura!

Tot la zenta in tla tòra i curiva

Quand e’ canun in luntanenza uss santiva!

Tre volti San Zòrz e fot bumbardè.

Là gàrà dé màràfòn, ad Nello Zoffoli 28/12/61

L’invarnéda, lé ‘rìvéta, a lés burdél, lè tota fésta, bast caviva, di quatrén, a si sicùr, nencà azté bén.

Su varìva, e fréd a dòs, andarì, in te bar dé spòrt, quatar ciacri, tot in sén, e’d’bì e cafe, ca stasì bén.

Specìalmént, a sotà al féstì, a cambién , parec’ minéstrì, par aiuté, la digéstiòn, ui vù e sanzvés, propì ad che bòn.

Cun s’tà china e s’tà sambuca, là fa bòn, nàvì paùra, ad’ranzédà, a nùn scùrém, la s’béì sol, par pàsa témp.

Leta sera, in tè bar dé spòrt, i’avéva tòt, e diàval a dòs, ui fò un torneo, ad marafòn, no scurema, ad cunfusiòn.

Tot stal copi, mezi artifati, uiéra nench , dal mezì trapli, zùvan véc’, qui ad méza taia, qui da sora, ì sa rafaia.

Tra e narvòs, e la tramarela, gnenca che zughés, una burela, a schert a cop, e po baston, e dis zampet, ché spùdàciòn.

Te una testa, ch’mé ‘na zuchìra, e la partìda, l’é bela pérsa, a no quatar ad crecha, e trè ad vinzénq, te stì bén in, te casèn.

Nenca Manghan, e muntet sò, cùn quatar ad tré, ì magnìét làs, dop ì dìs, chiè ì zugadùr, andì zughi, a là pré fìùm.

U’ijera ciàp , tòt una stézza, par quatar baci, una gasédà, par la quis’ciòn, lé una masa, ins’guàrdét piò gnénca in tlà fàza.

E Marulita, cun Papet, Fanfani e Sirri, ì fasét séch, ì badeva, strapìté, forza acsè, ì chnét càschè.

Bigiùlaz, da tra i bancùn, Sel’ tot quànt stà confusiòn, u sà truvét, un po in gulfè, i mi burdél, an ciò cman fè.

Fa un café, porta una china, céma ad ciòta, la Rusina, la stà ‘dciòra, a ciacaré, a ijò tot’al tazi, da lavé.

Cun stà machina, so ad presion, cùn selta via, un qualch bulòn, un e cema, clet ed dmanda, mamenti am zugh una scarana.

Tot a post, tot regulér, quì cà pérs, in sà cmé sfé, iavrà pu vest, à e tavulén, in realtà, qui c’zùga bén.

I serdòt, in tlà finéla, quicadun, in dlà véd céra, a qué burdel, uìè dl’ìmpégn, maracch’mand, nu fè di ségn.

Iutum qùatar, i fa e tiròn, par e tetul, de campiòn, e Brunaldo, pàr e sgond post, pin ad’vargogna, us caghét a dòs.

I du vincitùr, ca zughì bén, le stè Vigliam, e Lucialén, in verità, ia nench rason, le i dù meì, da marafon.

E Bigiola, cùn al su cìàcri, Che liva, pù dal tazi.

Annunci

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...

%d blogger hanno fatto clic su Mi Piace per questo: